VALORACIÓN DA CONDICIÓN FÍSICA SAUDABLE

Durante a segunda avaliación participamos no programa DAFIS de VALORACIÓN DA CONDICIÓN FÍSICA SAUDABLE, promovido pola Secretaría Xeral para o Deporte.

Podes ver os resultados globais do centro no seguinte ENLACE (apartados INICIO  e ANÁLISE), ou descargando o seguinte INFORME. Si queres un informe individualizado da túa valoración, envía unha petición ao profesor dcimadevila@edu.xunta.gal

QUE O CONFINAMENTO NON NOS PARE!

A alerta sanitaria levounos a ficar na casa, pero non por iso imos a deixar pararnos. Trasladamos o ximnasio ao blog efnacasa.blogspot.com , nel podes atopar as tarefas da materia de EF e outras propostas para que ti e os teus sigades en movemento.

Imaxe: Cabeceira do blog da materia de EF efnacasa.blogspot.com

Que che parece esta opción de tele-traballo, tele-actividade-física, tele-deporte, tele-xogo...?!

CHARLA "O XERMÁN PENSA EN VERDE: BOAS PRÁCTICAS DEPORTIVAS E ESTILOS DE VIDA SAUDABLE"

No noso centro contamos con profesorado disposto a compartir o seu saber e talento moito máis alá das súas obrigas profesionais.

Javier Rego é profesor de electricidade, enxeñeiro industrial de formación, pero tamén é atleta e triatleta semi-profesional, chegando o ano pasado a participar nos Mundiais de Triatlón coa selección española. Como tal, é unha persoa preocupada e moi coñecedora acerca de hábitos saudables e nutrición.

Imaxe: Javier Rego durante unha competición de triatlón (arquivo persoal do triatleta).

Deso falou co alumnado de bacharelato e ciclos, unha mágoa que ainterrupción da actividade lectiva impedira que se realizara a charla prevista para o alumnado de ESO.

Imaxe: Javier Rego nun momento da súa exposición (11 de marzo de 2020)

Motivador, verdade?

XORNADA DE INTRODUCIÓN AO DEPORTE ORIENTACIÓN E CAMPIONATO ON-LINE DE ORIENTACIÓN DE PRECISIÓN

O alumnado de 1ESO participou nunha xornada de iniciación ao Deporte de Orientación. A actividade desenvolveuse nas instalacións do centro gracias a unha colaboración entre o dpto. de EF e o Clube de Montaña Peña Trevinca (delegación de O Barco), que achegou un deportista recoñecido a nivel nacional nesta disciplina e tódolos recursos materiais precisos para esta xornada.

Imaxe: Instantanea da explicación prévia a práctica de orientación indoor (5 de marzo de 2020).

O alumnado puido coñecer os aspectos técnicos básicos deste deporte de aventura e realizar unha práctica de orientación indoor na que se familiarizou no manexo do material empregado na modalidade de orientación a pé (mapa, compás e medios electrónicos de control).

Imaxe: Alumna preparada para o inicio da proba de orientación indoor (5 de marzo de 2020)

Coma complemento desta actividade, estaba previsto participar no Campionato Provincial Escolar de Orientación, no Carballiño, baixo a organización do programa de deporte escolar XOGADE. Unha mágoa que fose cancelado pola alerta sanitaria. Pero o confinamento "non nos desorientou" e todo o alumnado da ESO puido participar no Campionato on-line de orientación de precisión organizado polo Club Peña Trevinca de O Barco. Tivemos unha excelente participación e resultados. Tí mesmo podes comprobalo neste ENLACE.

Crees que xa sabes desenvolverte neste deporte?

XOGALOITA

Os nosos "pequenos" de 1ºESO amosan a súa forza e destreza na xornada de XOGALOITA celebrada no CPR Plurilingüe Santa María (Ourense), xunto cós centros CEIP A Ponte, CEIP Emília Pardo Bazán, CPI de Padrenda-Crespos e CEIP Plurilingüe Otero Novas.

Imaxe: Alumnado participando das actividades do XOGALOITA (4 de marzo de 2020)

Eran duros os de Cea!, non crees?

ALMORZO SAUDABLE

Que mellor premio para o concurso de aula da primeira avaliación que un ALMORZO SAUDABLE no comedor do centro.

Imaxe: Alumnado de 1ºESO participa do almorzo saudable (16 de xaneiro de 2020)

Facer as cousas ben pagou a pena!, non crees?

XINCANA DEPORTIVA

A chuvia fixo que tivésemos que reinventarnos na celebración do magosto deste ano. Desta vez, quedamos a cuberto e practicamos distintas actividades lúdico-deportivas na XINCANA DEPORTIVA.

Imaxe: Alumnado participando da ximcana deportiva do magosto (8 de novembro de 2019)

Tira soga, bádminton, unihockey, mini-fútbol. mini-basket, brilé, vaoleibol. Cal foi a túa actividade preferida?

RECREOS ACTIVOS

Grazas ao traballo do alumnado de 4ºESO e 1ºBACH puidemos desenvolver campionatos deportivos de brilé e fútbol-sala nos RECREOS ACTIVOS con unha gran participación do alumnado.

Foto: Lance dun partido no campionato de brilé (outubro de 2019)

Unha mágoa que nos quedasen pendentes os campionatos de baloncesto, tenis de mesa e bádminton. Non crees?

E tí, que tal o pasaches?